Қарағандыда «Полиция аруы» анықталды

Ол жедел уәкіл болып еңбек ететін, полиция майоры – Елена Мустахимова. Ішкі істер бөлімінде еңбек ететін 12 ару бір ай бойы өзара сайысқа түсіп, кім мықтыны анықтаған. Байқау 4 кезеңнен тұрды. Әуелде қыз-келіншектер тапаншадан оқ атып, қоян-қолтық ұрыста шеберліктерін көрсетсе, кейін білімдерін, сұлулықтарын сынға салды. «Қылмыспен күресіп, қоғам тыныштығын күзететін қыз-келіншектер қандай да жағдайға дайын болуы керек», – дейді ұйымдастырушылар. Байқау қорытындысы бойынша Елена Мустахимова жүзден жүйрік шықты. Ол әділқазыларды қазақ тілін еркін меңгергенімен де тәнті қылған.