Шеңшеңәр авыл җирлеге үзешчәннәре "Шушма моңнары"на кушылды

Эшкә уңган, җыр-биюгә оста халык яшәгән җирлекнең күргәзмә һәм мастер-класслары да күз явын алырлык матур һәм мавыктыргыч иде. Шеңшеңәр җирлеге үзешчәннәре тамашачы игътибарын иң матур җырлар, мәгънәле шигырьләр, дәртле биюләр белән җәлеп итте. Гармун, тальян моңына, халкыбызның матур җырларына сусаган җаннар бу кичне рәхәтләнеп ял итте.