Isroil politsiyasi Al-Aqso masjidiga ketma-ket ikki marta hujum qildi

Isroil xavfsizlik kuchlari 4-aprel kuni kechqurun Quddusdagi Al-Aqso masjidiga bostirib kirdi. Seshanba kuni kechqurun Isroil politsiyasi masjidning namozxonasiga bostirib kirib, u yerdagi falastinliklarga shovqinli granatalar, zaharli gaz, rezina o‘qlar va boshqa vositalar bilan hujum qilgan. To‘qnashuv natijasida 200 dan ortiq falastinlik qo‘lga olingan, 100 ga yaqini esa yaralangan. Qayd etilishicha, qo‘lga olinganlar Isroilning Quddusdagi harbiy bazasiga olib ketilgan. Reyddan so‘ng, Gʻarbiy sohilning bir qator shaharlarida namoyishlar boshlangan. Falastin bosh vaziri Muhammad Shtayening aytishicha Al-Aqso masjidida sodir bo‘layotgan voqealar “namozxonlarga qarshi katta jinoyatdir”. Kecha, 5-aprel Ramazon oyining 14-kunida ham Isroil politsiyasi Al-Aqso masjidiga yana bostirib kirdi. Maʼlumotlarga ko‘ra, xavfsizlik kuchlari masjiddagi falastinliklarga hujum qilib, shovqin tarqatuvchi granatalar, ko‘zni yoshlatuvchi gaz, rezina o‘q va dubinkalardan foydalangan. Isroil xavfsizlik kuchlari shifokorlarning voqea joyiga kelishiga va yaradorlarga yordam ko‘rsatishiga ruxsat bermagan. Isroilning xatti-harakatlari, Iordaniya va Misr tomonidan jiddiy qoralanmqoda. ____________________________________________________ #falastin #muslim #aqso #islam #ozbek #qiziqarli #trend #uz24 #milliy #uzbek #jurnalist #davr #xabardor #interview #suhbat ____________________________________________________ 🔹Biz Telegramda: https://t.me/xabardor_uz_official 🔹Biz Instagramda: https://www.instagram.com/xabardor_uz 🔸Biz Facebookda: https://www.facebook.com/xabardoruzb/ 🔹Biz YouTubeda: https://www.youtube.com/c/xabardoruz_official 🔸Reklama: https://t.me/xabardor_uz_reklama 📞 +99890 041-30-00